يا حبيبتى مصر يا مصر ..........يا حبيبتى يا مصر يا مصر

[sawone]

السلام عليكم ورحمة الله وبركاته
اهلا بكم اخوانى الاعزاء جميعا
تحياتى اليكم محملة بالشوق والحنين والحب
....................................
ندخل فى الموضوع يا رجالة
انا عارف ان موضوعى قتل بحثا
ولكن انا عايز اتكلم علينا احنا
المصريين
الكلمة دى مبنسمعهاش غير فى الحرب او فى فوز منتخب
المصريين يا جماعة
يعنى علم مصر

واللى بينحينله
ابيض واسود .. مسلم ومسيحى ... صغير و كبير
ليه دايما نبقى مع بعض وقت الشدة ومتفرفين بقية الوقت
انا موضوعى هنا ببساطة عن اللى بيحصل اليومين دول من رفع اعلام تونس
وكده
زى جمهور الزمالك النهاردة

وجمهور الاسماعيلى المبارة اللى فاتت

وعظيمة يا مصر !!!
يعنى انا عايز اعرف جماهير رايحة تشجع فريقها
ايه لازمة العلم التونسى وضد مين ضد اولاد بلدنا
يا جماعة قلنا 1000000 مرة اللى عايز يشجع يشجع فريقه
وانا رافض مبدأ دى حرية شخصية
اللى نقبله بالغلط وهو صغير بكرة نقبله فى الغلط وهو كبير !!!
واذا اتعودنا على حاجة مش هنبطلها لان الطبع يغلب التطبع !!!
يا شباب مصر
كثير منا يا شباب مصر سيقف بجانب الاهلى لانه يمثل مصر وليس لشعارات
ولكن بالفعل لانه سيمثلنا لان الاهلى فى الوقت الراهن فى ادغال افريقيا
اصبحت كرامته من كرامة مصر ....
ولكن ارى اخرون يتمنون الهزيمة للاهلى لا لشئ ولكن لمجرد كسر نفس الاهلى
وجماهيره واقول لهم
من العار ان نقف بجانب فريق اخرى ضد فريق بلدنا
وان نكون انا والغريب على ابن عمى !!!
ويجب ان تقفوا بجانب الاهلى لانه يمثل مصر
اما عن فشل انديتكم
فقفوا بجانبها وساندوها مساندة فعالة ويجب ان تحصروا تفكيركم فيها
حتى تعود للمنافسة وبالتالى قد تحصد البطولة
يجب ان تتمنوا فوز فريقك وليس خسارة المنافس !!!
وهى لها معانى مختلفة
فان تمنيت فوز فريقك لتفوقه وتفوق اصبح هذا فخر لك لانك فعلت كل ما تستطيع
من اجل ان يكسب فريقك
ولكن اذا خسر المنافس عليك ان تراجع نفسك لانك بذلت كل ما فى وسعك من اجل
خسارة المنافس
فى الوقت الذى كان يحتاج لك فريقك بتلك المساندة !!!
واحنا اكيد هنفرح بالاهلى
لانه اصبح السبب الاول فى افراحناا وسط المهازل والاخفاقات التى تحيط بنا !!!
اجتماعية او رياضية او سياسية !!!
ياشباب مصر سواء المعترضين او المؤيدين
ياريت نرجع بالزمان لنهائى السنة اللى فاتت فى تونس امام الصفاقسى
انا عن نفسى هارجع لوحدى بالزمن وانتو ترجعوا مع نفسكو تفتكر الموقف
انا عن نفسى كنت على القهوة مع اصحابى واعد جنب صاحبى اسامة
والمتش قريب يخلص .....والفرص بتضيع
وانا بقوله يا سلام لو تريكة يعملها يبقى نجم .....وما حصلش لحاجة
وهو بدات دموعه الغالية تتلالاء فى عيونه من اجل الاخفاق
يدمع على فريقه واقوله متقلقش تريكة هيعملها
بينى وبينكم الامل كان مفقود بس انا عايز اهديه
وعملها واطلقها وفجرها تريكة
ثم انفجرت القهوة وكراسيها بالصياح معلنة الفرح وكلنا كنا فى احضان بعض
الاهلاوى والزمالكاوى .... الاطفال والشيوخ ... اللى تعرفه واللى متعرفوش
كله بيحضن بعضه .... كله فرحان ..... كله بيشيل التانى
وكله اووووووه اهلاووووووى
وكله فى نفس واحد
الله اكبر
الله اكبر
الله اكبر
الناس فى القهاوى وفوق الكراسى وتحت الكراسى
ودموع اسمة اللى كانت حزينة فى ثانية بقت دموع الفرحة
الكراسى اتكسرت والقهوة وكله فرحان الاهلى كسب الاهلى كسب
لاء ده مصر اللى كسبت يا جماعة .... مصر يعنى احنا
احنا المصريين
اه بس انا زمالكاوى ... اه زمالكاوى بس مصرى
بس انا اسمعلاوى .... اه اسماعلاوى مصرى
وبعدها سمعنا اغنية المصريين اهما .... ويا حبيبتى يا مصر
والشوارع اتولعت والناس فرحت
شوفو مهما كانت الحاجات دى بسيطة ...... بس بالنسبة لنا المصريين حاجة تانية
يا جماعة احنا دلوقتى بقينا بنتلكك علشان نفرح !!!
وكلنا مهمومين ومخنوقين
واكيد دلوقتى وانا بقول كلام ده كل واحد افتكر الموقف ده
هو كان عامل ازاى وكل واحد لى موقفه المؤثر طبعا
واللى مش هينساه طول عمره
وطبعا كلنا شفنا فى دريم منظرى الرجل المسلم اللى بيركع والرجل المسيحى الذى يشكر ربه
وكانت كلنا فرحة واحدة لانها فرحة مصرية
ومتهيالى ان اللى محسش بالفرحة دى يبقى مش مصرى اساسا
يا شباب حتى لو مجموعة كنت رايحة علشان الاهلى يخسر
افتكروا انتو عملتو ايه لما جه الجون افتكرو حتة الوطنية اللى نطت من جواك
وظهرت فى الفرحة.... افتكر فى الاحضان اللى حصلت
افتكر وانت بتقول الله اكبر
افتكرو اى حاجة وطنية وافتكر اننا ممكن نكون مهومين جدااااااااا
لكن بنيجى عند اسم مصر ونحس باحساس غريب
احساس ميحسوهش غيرنا احساس بالعظمة والكبرياء والعشق
حتى لو كنا مخنوقين منها لكن تاكد اننا مستعدين نسف التراب علشانها
فياريت يا شباب كل واحد مننا يطلع الوطنية اللى عنده فى تلك المواقف
علشان لما هتظهر فى المواقف الصغيرة دى هتظهر فى المواقف الكبيرة
وياريت كل واحد شال علم تونس او تمنى الهزيمة للاهلى يراجع نفسه
فى الدورى والكاس من حق كل منافس يتمنه فوزه
لكن فى البطولة دى فوز مصر
وشكرا ليكم يا شباب
مع تمنياتنا للاهلى المصرى بالفوز بالكاس باذن الله

عبد الله

[oThMaN DaY]

تستاهل كل الشكر أخي واصل نشاطك نحن في إنتظار عطائك